Hino “Attende, Domine”

 

TEMPO DA QUARESMA

151. Attende Domine

Attende, Domine, et miserere,  –  Quia peccavimus tibi.

 

1. Ad te Rex summe, omnium Redemptor, óculos nostros sublevamus flentes: exaudi Christe, supplicantum preces.

 

Attende, Domine, et miserere,  –  Quia peccavimus tibi.

 

2. Dextera Patris, lapis angularis, via salutis, janua caelestis, ablue nostri maculas delicti.

 

Attende, Domine, et miserere,  –  Quia peccavimus tibi.

 

3. Rogamus, Deus, tuam maiestatem: auribus sacris gemitus exaudi: crimina nostra placidus indulge.

 

Attende, Domine, et miserere,  –  Quia peccavimus tibi.

 

4. Tibi fatemur crimina admissa: contrito corde pandimus occulta: tua, Redemptor, pietas ignoscat.

 

Attende, Domine, et miserere,  –  Quia peccavimus tibi.

 

5. Innocens captus, nec repugnans ductus, testibus falsis pro impiis damnatus: quos redemisti, tu conserva, Christe.

 

Attende, Domine, et miserere,  –  Quia peccavimus tibi.

Indicação: Entrada, Ofertório, Comunhão 

Hinário