Bênção especial para qualquer paramento sacerdotal

BÊNÇÃO ESPECIAL PARA QUALQUER PARAMENTO SACERDOTAL

(Rit. Rom., tit. IX, cap. IX, 2)

O sacerdote abençoa dizendo:

V. Adjutórium nostrum in nómine Dómini.

R. Qui fecit cælum et terram.

V. Dóminus vobíscum.

R.Et cum spíritu tuo.

Orémus.

Deus omnípotens, bonárum virtútum dator et ómnium benedictiónum largus infúsor, súpplices te rogámus, ut mánibus nostris opem tuæ benedictiónis infúndas, et hunc amíctum (vel hanc albam vel hoc cingulum vel hanc stolam vel hunc manípulum vel hanc tunicéllam vel hanc dalmáticam vel hanc planétam) divíno cúltui præparátum (præparátam), virtúte Sancti Spíritus bene✠dícere, sancti✠ficáre, et conse✠cráre dignéris, et ómnibus eo (ea, vel eis) uténtibus grátiam sanctificatiónis sacri mystérii tui benígnus concéde; ut in conspéctu tuo sancti et immaculáti atque irreprehensíbiles appáreant, et auxílium misericórdiæ tuæ acquírant. Per Dóminum nostrum Jesum Christum Fílium tuum: Qui tecum vivit et regnat in unitáte ejúsdem Spíritus Sancti Deus, per ómnia sǽcula sæculórum. R. Amen.

Deinde ipsum indumentum aspergatur aqua benedicta.