Bênção e Imposição do Escapulário

BÊNÇÃO E IMPOSIÇÃO DO ESCAPULÁRIO DA B.V.M. DO MONTE CARMELO

FÓRMULA BREVE

(Rit. Rom., tit. IX, cap. XI, 13)

 

Persona recipienda ad habitum genu flexa, Sacerdos, superpelliceo et stola albi coloris, aut saltem stola, indutus, dicat:

V. Osténde nobis, Dómine, misericórdiam tuam.

R. Et salutáre tuum da nobis.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

Pro uno vel uma Orémus. Dómine Jesu Christe, humáni géneris Salvátor, hunc habitum, quem propter tuum tuǽque Genetrícis Vírginis Maríæ de Monte Carmélo amórem servus tuus (ancílla tua) devóte est delatúrus (–a), déxtera tua sanctí✠fica, ut eádem Genetríce tua intercedénte, ab hoste maligno defénsus (–a), in tua grátia usque ad mortem persevéret: Qui vivis et regnas in sǽcula sæculórum. R. Amen.

Pro pluribus Orémus. Dómine Jesu Christe, humáni géneris Salvátor, hunc habitum, quem propter tuum tuǽque Genetrícis Vírginis Maríæ de Monte Carmélo amórem servi tui (ancíllae tuae) devóte sunt delatúri (–ae), déxtera tua sanctí✠fica, ut eádem Genetríce tua intercedénte, ab hoste maligno defénsi (–ae), in tua grátia usque ad mortem persevérent: Qui vivis et regnas in sǽcula sæculórum. R. Amen.

Deinde aspergat habitum aqua benedicta, et postea ilium imponat personæ vel personis (cuilibet separatim), dicens:

Accipe hunc hábitum benedíctum, precans sanctíssimam Vírginem, ut ejus méritis illum pérferas sine mácula et te ab omni adversitáte deféndat, atque ad vitam perdécat ætérnam. R. Amen.

Postea subjungat:

Ego, ex potestáte mihi concéssa, recípio te (vos) ad participatiónem ómnium bonórum spirituálium, quæ, cooperánte misericórdia Jesu Christi, a Religiósis de Monte Carmélo peragúntur. In nómine Patris, et Fílii, ✠ et Spíritus Sancti. R. Amen.

Bene✠dícat te (vos) Cónditor cæli et terræ, Deus omnípotens, qui te (vos) cooptáre dignátus est in Confraternitátem beátæ Maríæ Vírginis de Monte Carmélo: quam exorámus, ut in hora óbitus tui (vestri) cónterat caput serpéntis antíqui, atque palmam et corónam sempitérnæ hereditátis tandem consequáris (consequámini). Per Christum Dóminum nostrum. R. Amen. 

Aspergatur persona aqua benedicta. Si plures simul recipiendi sint, mutetur numerus. – Si habitus solummodo benedicendus sit, tunc benedictio incipit a V. Osténde et concluditur cum Oratione Dómine Jesu Christe.