Bênção de Cavalos e outros animais

BÊNÇÃO DE CAVALOS E OUTROS ANIMAIS

(Rit. Rom., tit. IX, cap. V, 2)

 

Para abençoar cavalos e outros animais, o sacerdote diz:

V. Adjutórium nostrum in nómine Dómini.

R. Qui fecit cælum et terram

V. Dóminus vobiscum.

R. Et cum spíritu tuo.

Orémus.

Deus, refúgium nostrum, et virtus: adésto piis Ecclésiæ tuæ précibus, auctor ipse pietátis, et præsta; ut, quod fidéliter pétimus, efficáciter consequámur. Per Christum Dóminum nostrum. R. Amen.

Orémus.

Omnípotens sempitérne Deus, qui gloriósum beátum Antónium, váriis tentatiónibus probátum, inter mundi hujus túrbines illǽsum abíre fécisti: concéde fámulis tuis; ut et præcláro ipsíus proficiámus exémplo, et a præséntis vitæ perículis ejus méritis intercessióne liberémur. Per Christum Dóminum nostrum. R. Amen.

Orémus.

Bene✠dictionem tuam, Dómine, hæc animália accípiant: qua córpore salvéntur, et ab omni malo per intercessiónem beáti Antónii liberéntur. Per Christum Dóminum nostrum. R. Amen.

Et aspergantur aqua benedicta.